Protexer as nosas mentes

 Escena película "O Profesor" (Detachment, 2011)

Que ninguén queira ordenarme os libros que debo ler

Cantares

Que ninguén queira ensinarme

onde hei de buscar a flol

como hei de beber o viño,

cando hei de tomar o sol.

Que ninguén queira ordenarme

as preces que hei de rezar,

os libros que debo ler,

os vítores que hei de dar.

O que sei seino de abondo

dende o comenzo até o fin.

Sei do día, sei da noite,

sei da historia que vivín.

Na vella sabiduría

do meu sangue, aprendín

que a morte lévoa comigo

dende o día que nacín.

Que ninguén

sabe ren

da alma de cadaquén.

 CELSO EMILIO FERREIRO Onde o mundo se chama Celanova 1975